Dansk: Tryk her
Angajoqqaanut paasissutissat
Aaliagiutissagussiuk meerarsi Danmarkimi efterskolissasoq pigaaruteqarpoq danskisut oqalussinnaareernissaa oqalukkusunnissaalu.
Kalaallit Danmarkimi efterskolertussanut siunnersuutit pillugit filmiliaq uani takusinnaavat.
Angajoqqaatut meeqqap efterskolernerani suli akisussaaffigaarsi. Efterskolernermini ajornartorsiuteqalissappat piaartumik atuarfik saaffigissavarsi suleqatigalugulu. Taamalillusi suliqatigiillusi aporfiusut qaagerneqarnissaat suleqatigiissutigisinnaassagassigit. Aporfiusut qagiuminaatsinneqarparta illissi, atuarfik kontaktfamiliaasullu Kalaallit Illutaannut saaffiginninnissarsi pingaaruteqarpoq.
Efterskolerneq pillugu paasisaqarnerurusukkussi uunga iseritsi: iserasuaat.gl
Angajoqqaat akisussaaffiat
Akisussaaffingaarsi nunami allammi meeqqap efterskolernissaanit aaliagiineq. Akisussaaffingaarsi isumagissallugu efterskolemik tulluuttumik nassarnissaq. Soorlu makkua eqqarsaatigisariaqarput:
- Danskisut atuartitaanermut suliallu qaffasissusaannut malinnaasinnaassava?
- Atuarfimmi malittarisassat malissinnaassavai? Sorlu makkua:
- Pujortaqqusaannginneq
- Piffissani aaliagersimasukkut innartarnissaq, makiffissat nerinarnissallu?
- Inortuisarani atuartitaanermut suliaqaqatigiinnernullu peqataasarnissaq?
- Meeqqap Danmarkimi atuarnissamut piareeersarnissaa, piareeqqanissaalu
- Atuarfik pasitereersimanissaa arlaatigut immikkuullarissunik pisariaqartitsisuuppat
Pigaaruteqarpoq atuarfik attaverqarfigisinnaanissaa danskisut. Taamaanngippat suleqatigiinnissarsi ajornakusortorujuusinnaammat.
Danmarkimi efterskolelerluni aallartinneq unammillernartuuvoq. Qulaani taaneqartut isumagisimannngikkussigit annertuumik meerarsi aporfeqartussaassaaq; malinnaasinnaanermigut, akuusinnaanermigullu. Taamalillunilu kiserliulissalluni.
Kalaallit Illuutaaniit angajoqqaat, kontakfamilie atuarfillu siunnersorseqarsinnaapput. Kisianni akisussaaffiginngilaat meeqqat efterskolernera. Taassuma saniatigut naammassinermi imaluunniit taamatiinnarnermi angerlarnissap bestilernisaa/akilernissaalu isumagisinnaavaat. Kingullea taamaallaat taamaatinnginnermi Kalaallit Illuutaat oqaloqatigereerneqarsimappat. Oqaloqatigiinnermi qularnaarneqarsimasariaqarmat ajornartorsiutaasut suleqatigiissutigineqarsimanerat (§18 Danmarkimi efterskolertarnermut tapiissutit pillugit Namminersorlutik Oqartussat nalunaarutaat).
Efterskolemut allamut nuunnermi akiligassat
Namminersorlutik Oqartussat taamaallaat atuarfimmut ataatsimut qaammammut tapisiap akilernissaat isumagisarpaat. Taamaattumik atuarfimmut allamut nunnermi isumagissavat immersugassap ” DANMARKIMI EFTERSKOLIMUT NUUNNEQ” immersornissaa, taamaalilluni tapisiap atuarfimmut nutaasumut nuunneqasssammat.
Akiligassaasinnasut nammineq akiligassasi ukuupput:
- Efterskolemut qimanneqartussamut:
- Taamatinnermi akiligassaq imatut issikkoqarsinnaavoq: sapaatip akunnerinut sisamanut atuarfimmut akiligassat tapisiutinillu atuarfiup annaasai = 11.000 kr. Atuarfiit qanoq annertutigisumik akiliinissamik piumasaqaataat assigiinngissinnaasarput.
- Atuarfiup nuuffissaata piumasarisinnaava akilerneqassasut:
- Depositum
- Nunamut allamut angalanissamut akiliut
Naammasserernermi angerlarnissaq
Bilitsimik inniminniiffissamik immersugassaq ilissinnut nassiunneqassaaq. Billetsit akikinnerit allanngortinneqarsinnaanngitsut atoeneqartarput.
Toqqarsinnaavarsi amminneq bilitsimik isumaginninnissaq. Akiliut utertinneqarsinnaavoq (akikinnerit allanngoortinneqarninnaanngitsut naligat) uunga allannikkut: efterskole@nanoq.gl .
Angerlariartornermi atuartup qimutsuitsorluni timmisartoqarfimmut angalanissaa ilissi kontaktfamiliaasullu isumagisassaraarsi. Kisianni bilitsip akia uunga allannikku utertinneqarsinnavoq: efterskole@nanoq.gl
