Menu

Ilinniarnerup nalaani ikiorsiineq

Kalaallit Danmarkimi ilinniartut siunnersortinnermik tapersersortinnermillu periarfissaqarput

Ilinniarnermut siunnersortit Kalaallit Illuutaat Odense-mi

Ilinniarnermut siunnersorti attavigisinnaavat aningaasatigut tapersersortinnermut arlaatigut apeqqutissaqaruit. Tamanna pillugu paasisaqarnerusinnaavutit ugguuna.

Tamanna saniatugt Kalaallit Illuutaat Odense-mi ilinniarnermut siunnersortit aamma attavigisinnaavatit siunnersortinnermik pisariaqartitsiguit. Siunnersortinneq ilinniarnermut inuttullu ajornartorsiornermut attuumassuteqarsinnaavoq. Siunnersortit periarfissatit suunersut nassuiarsinnaavaat.

 

Ilinniarfimmi siunnersortit

Ilinniarnermut tunngatillugu siunnersortinnermik pisariaqartitsiguit ilinniarfigisanni siunnersortit attavigissavatit.

Siunnersortit ilinniarfigisavit qanoq ittuunera ilisimavaat, tamaattumillu ikiorluarsinnaavaatsit. 

Siunnersortit SU-mik tapersersornermut malittarisassat aamma ilisimavaat.

 

Studenterrådgivningen

Studenterrådgivningen akeqanngitsumik ima ikiorsinnaavaatit:

  • Immikkut oqaloqateqarnikkut: Ilinniartutut artorsaatigisartakkatit eqqartukkit - tarnikkut napaataatigut, timip nappaataatigut imaluunniit inummit inummut artorsaatit.
  • Stressi pillugu eqimattakkaarluni siunnersortinneq: Pisut stressernartut angumerilluarnissaanik pisariaqartitsisunut periarfitsialak.
  • Misilitsinneq pillugu workshopit: Misilitsinnerup nalaani ajornartorsiutigisartakkatit workshoperlutit eqqartorlugit aaqqissinnaavatit piginnaanitillu pitsanngorsarlugit.

Studenterrådgivningip neqeroorutai nittartakkamini Facebook-ikkulluunniit paasisaqarfiginerusinnaavatit.

 

Ilinniarfigisanni specialpædagogiskiusumik tapersersortinneq

Atuffannerluppit, timilluunniit tarnilluunniit nappaataannik ajornartorsiuteqarpit? Taava SPS-imik (socialpædagogisk støtte) qinnuteqarsinnaavutit. 

SPS-ip qulakkiissavaa ilinniarnerit ajunngitsumik naammassisinnaassagit. 

 

Kiserliornermik akiuiniarneq

20-it 35-illu akornanni ukioqaruit inunnillu nutaanik naapitsineq ilinnut ippinnartuuppat Kalaallit Illuutaat Odense-miittup peqatigiiffik Plexus Odense neqeroorutigisinnaavaa.

Peqatigiiffik Plexus Odense-mi nereqatigiittarput, kaffisoqatigiittarput assigiinngitsunillu sammisaqartarlutik - sammisassanilu peqataaneq akeqanngivilluni. 

 

Inatsisitigut ikiorsiineq

Inatsisitigut ikiorsiineq akeqarneq ajorpoq. Tamanna pillugu Advokatsamfundetip nittartagaani paasisaqarnerusinnaavutit. 

Kalaallit Illuutaat Odense Advokatfirmaet Dickmeiss suleqatigaa - taassumap ikiorsinnaavaatit inatsisitigut ajornartorsiuteqaruit. 

 

Kigutileritinneq

Piaartumik kigutileritinnermik pisariaqartitsiguit sillimmasiisarfiup IF-ip ikiorsinnaavaatit. Imaasiussaatit:

  • Kigutileritinnerit nammineq akilissavat akiligassat allagartallu nammineq nassiullugit.
  • Akiligassaq allagartarlu Kalaallit Illuutaannut nassiutissavatit kontomullu paasissutissat ilanngutissavatit.
  • Sillimmasiisarfiup akiligassaq uterteqqittarpaa katsorsartinnerit sillimmasiinermut atassuteqartuuppat.

 

Ilaquttani napparsimasoqartillugu toqusoortoqartilluguluunniit

Ilaquttat qaniginerpaasat (qatanngutit, aappat, meeqqat, angajoqqaat, aatakkut) napparsimaneranni toqusoorneranniluunniit siumut utimullu Kalaallit Nunaannut bilitsimik akiliutsissinnaavutit.

Ilinniarnermut siunnersiusarfik Kalaallit Illuutaat Odense-miittoq attavigiuk periarfissatit pillugit paasisaqarnerorusukkuit.

Paasisaqarnerorusukkuit

  • Mette Lund

    Ilinniarnermut siunnersorti

    (+45) 25 60 76 46

  • Ida Ylander

    Ilinniarnermut siunnersorti

    (+45) 22 42 08 13