Praktikkerneq
Inuussutissarsiornermik ilinniarfiit ilaasa aallartinnginnermi praktikkerfissaqareernermik pisariaqartitsisarput. Praktikkerfissarsiorneq nammineq akisussaaffigivat.
Praktikkerfissamik qinnuteqarnermi siullerpaattut qinnuteqaammik CV-millu sanassaatit. Qinnuteqaat nalinginnaasuunngilaq, atorfiulli piumasaqaataanut tulluarsagaassalluni. Imarissavai:
- Suliffiup aqqa adressialu
- Illit aqqit, illit adressit illillu pillutit paasissutissat
- Qinnuteqarnerup ullua
- Qulequtaq
- Sooq atorfimmut tassungarpiaq qinnuteqartutit
- Naatsumik illit pillutit ilisaritinneq
- Suliffiup qanoq iluaqutigisinnaaneraatit
- Naggasiut
- Atsiornerit
CV imarissavai:
- Illit aqqit
- Nalliuffiit
- Oqaatsit atortakkatit (assersuutigalugu kalaallisut, qallunaatut tuluttullu)
- Kørekorteqarnerlutit paasissutissat
- Piginnaanitit
- Ilinniarsimasatit pikkorissarnerilluunniit
- Sunngiffimmi susarnerit
CV-t naammassigukku nammineq suliffinnut pilerigisannut nassiunnissaa akisussaaffigaat.
Ilinniarfiup siunnersortilluunniit angalanermi aningaasartuutit akilersinnaavaat ilinniarnerup nalaani qaammat ataaseq qaangerlugu angalanermik pisariaqartitsissaguit.
Angalanermut qinnuteqaat ugguuna pissarsiarisinnaavat.
