Menu
Pakkut    

ILINNIARNERUP NALAANI QALLUNAATOORNEQ AAMMA ILINNIARNERMI KULTOORI

 
  • Kalaaliuit Danmarkimi ilinniartoq, Danmarkimiluunniit ilinniassamaarpit?
  • Ilikkarusippiuk qanoq pitsaanerusumik Danmarkimi inuusinnaallutit?
  • Pensumit atuarnissai imarisaalu eqqaamanissai ajornartorsiutigisarpigit? 
  • Atuarnermi suleqatigiinnermiluunniit oqalunneq peqataanerlu artorsaatigisarpigit?
  • Opgaviliornermi arlaatigut ikiortikkusuppit?
  • Qallunaatut piginnaanitit allattariarsornikkut oqaluttariarsornikkullu pitsarsarusuppigit?
  • Karakteritit appasippallaarpat nalunngisatillu iluamik ersersinngilaat?
  • Kalaallinik Danmarkimi ilinniartunik allanik naapitsinermik pisariaqartitsivit?
 

Apeqqutinut ukunanut angersinnaasuuguit kisimiinngilatit, akeqanngitsumillu ikiorneqarsinnaavutit. Pakkut ilinniarnermi qallunaatoorneq ilinniarnermilu kultoori pillugit ilitsersuutinik neqerooruteqarpoq. Ilinniartunngoqqammersimasuuguit sivisuumilluunniit ilinniartuusimaguit tamatigut imminik pitsarsarsinnaavutit Pakkullu neqeroorutaanik atuisinnaallutit.

Tirsdagstræf (Marlunngornikkut naapittarnerit)

Piffissaq: 

Marlunngornerit tamaasa nal. 16-18 
Qaqugu: 30. august - 29. november

 

Piffik: 

Foreningslokalet anden salimiittumi Kalaallit Illuutaanni Odense-mi

Frist: 

Nalunaarneq suli pisinnaanngilaq

Kalaallit ilinniartut allat ilaginissaat pisariaqartikkukku, ilinniarnermi arlaatigut ikiortikkusukkuit imaluunniit nerisassanik mamartunik nererusukkuit taava marlunngornikkut naapittarnitsinni peqataasinnaavutit.

Marlunngornikkut naapittarnivut pillugit ugguuna paasisaqarnerugit.

Ilinniarnermut atatillugu immikkut ikiortinneq

Inuk ataaseq oqaloqatigalugu arlaatigut ikiortikkusukkuit, assersuutigalugit saqqummiinermi opgaveliornermiluunniit, taava periarfissaqarputit.

Immikkut ilinniarnermik ikiortinneq pillugu ugguuna paasisaqarnerugit

Kultoori pillugu oqallinnerit

Piffissaq: 

Qaammammi marlunngornerit siulliit tamaasa:

  • 23. august - aasakkut nereqatigiinnerup siorna
  • 20. september
  • 18. oktober
  • 22. november
 

Piffik: 

Inersuaq anden salimiittumi Kalaallit Illuutaanni Odense-mi

Kingusinnerpaamik nalunaarneq: 

Nalunaarneq suli pisinnaanngilaq

Ilinniartutsialanngorit marlunngornikkut kultoori pillugu oqalliseqatigiikkaagatta. Oqallinnerit Danmarkimi ilinniartuuninnut iluaqutaasinnaapput Danmarkimi ilinniartuunermut atatillugu pingaaruteqarnerpaat eqqartortaratsigit.

Kultoori pillugu oqallittarnivut pillugit ugguuna paasisaqarnerugit.

Nereqatigiinneq

Piffissaq: 

Aasakkut nereqatigiinneq: Marlunngorneq 23. august nal. 17-21
Ukiukkut nereqatigiinneq: Marlunngorneq 6. december nal. 17-21

 

Piffik: 

Inersuaq anden salimiittumi Kalaallit Illuutaanni Odense-mi

Frist: 

Aasakkut nereqatigiinneq: Uunga mailerit Facebookikkulluunniit attavigitigut

Aggustimi decemberimilu Avalak ilinniarnermillu siunnersortit peqatigalugit aasakkut ukiukkullu nereqatigiittarpugut. Ilinniartut tamaasa qaaqqusarpagut, aappatik meeqqatillu ilagalugit neriartorsinnaatitaallutik.

Nereqatigiinnerit pillugit ugguuna paasisaqarnerugit.

Pakkut pillugu

Pilersaarut siunertaraa kalaallit ilinniartut qallunaatut piginnaanitik pitsarsarnissaat, kiisalu kalaallit ilinniartut qallunaat kultooriannik paasinninnerat pitsarsarnissaa.

Pakkut pillugu ugguuna paasisaqarnerugit

Pakkup inuttai pillugit ugguuna paasisaqarnerugit

  Facebook   Instagram/pakkut

Paasisaqarnerorusukkuit

  • Kistaraq Egede

    Pakkut Projektleder

    +45 52 10 44 49