Menu

Ilaqutariit attaveqaatinut

Nunatsinniit Danmarkimut efterskoleriartut tamarmik, Naalakkersuisuniit taperneqartut, angajoqqaarsiaqartariaqarput.

Angajoqqaarsiat pisussaaffissi

Efterskolertumut angajoqqaat sinnerlugit akisussaasuussaasi. Taamaammat suliaq pinagaatuuvoq. Uku akisussaaffigissavasi:

  • Atuartoq efterskolilinnginnerani attavigillualereersimassallugu
  • Atuartoq tikippat aassallugu, angerlalerneranilu timmisartoqarfimmut aallariartuutissallugu
  • Efterskolernerup ulluata siullermi ilagissallugu - nalinginnaasumik sapaammiusarpoq
  • Atuanngiffinni tikeraartorisarumallugu soorlu:
    • Nalliuttuni
    • Atuarfiup weekendini matoqqaffiini
    • Efterskolertup napparsimanerani efterskolip qinnutigippagu
    • Atuarunnaarpat Kalaallit Nunaanut aallarnissaata tungaanut
  • Sapinngisamik pisinnaagaannilu, efterskoli angajoqqaanik ataatsimiigiaqqusigaangat sammisaqartitsiniaraangalluunniit, orniguttarnissaq.
  • Atuartoq, efterskoli, angajoqqaat kalaallit Illutaallu qanimut suleqatigaluta, tamatigut ikiorlugu tapersersortassallugulu

Tassa naatsumik oqassagaanni: Efterskolertumut angajoqqaarsiaagaanni, soorlu tassa meeqqamik ataatsimik isumagisassamik ilalluni. Efterskolertup efterskolernera tamaat efterskolertoq sumiinnera nalusassanngilarsi.

Angajoqqaallu isumaqatigiissusiussaasi

Uku angajoqqaallu isumaqatigiissusiorsimassallugit pingaartuuvoq:

  • ilissinnut angalasarnerata aningaasartuutissat
  • aningaasat kaasarfimmiussat
  • ilissinniinnerani saniatigut aningaasartuutit
  • efterskolernermini allanik amigaateqarpat, soorlu
    • qarasaasiaq
    • sikkilit
    • ukiorsiutit
  • malittarisassat, soorlu
    • pujortartarneq
    • unnukkut qassinut angerlareersimasarnissaa
  • qanoq akulikitsigisumik tikeraartarnissaa
  • qanoq akulikitsigisumik efterskolertup angajoqqaat oqaluuttassanerai -

Akuunissarsi

Efterskolemit attaveqaataanut (kontaktlærer) suleqateqarluarnissaq pisariaqarpoq, Kallaallit Illuutaanullu. Pisinnaangaannilu atuarfimmiit qaaqusaaqaanni ornigunnissaq iluarineqartarpoq

Ajornartorsiornermi

Efterskolertup ilissilu akornassinni ajornartorsiortoqarpat, sukkanerpaamik attavigineqassaagut.

Kalaallit Illuutaat angajoqqaarsianik inniminniisinnaanngilaq. Angajoqaat namminneq angajoqqaarsianik nutaanik nassaarnissaq akisussaaffigissavaat.

Nalussanngilarsi efterskolertoq ilaqutariit attaveqaataarukkuni uniinnartariaqassammat angerlartitaallunilu.

Paasisaqarnerorusukkuit

  • Mette Lund

    Ilinniarnermut aqqutissiuisoq

    +45 25 60 76 46

  • Marianne Jensen

    Ilinniarnermut aqqutissiuisoq

    +45 22 42 08 13