Menu

Angajoqqaanut

Siunnersuutit:

Atuarfik qanimut suleqatigigisiuk

Atuarfik ilikkarluarusullugu atuarfiup nittartagaa qimerloorluarisiuk. Nalornissuteqaraangassi aperisarlugit. Paatsuungussi Kalaallit Illuutaat  saafigisinnaavarsi

Meeraq aallartinnagu, atuarfik meeraq pillugu paasissutissikkisiuk. Soorlu nalinginnaasumik ernumassutiniit meeqqap ajoqutaanik, nappaataanik imaluunniit eqqaasaatinik unamminartittagaanik.

tapersersiuneq

Meeraq angerlarserpat, uumigisaqarluni ajornartorsiuteqarluniluunniit tutsiuppat, tusarnaarnissaq pingaarpoq. Taamaattoqarpat pitsaanerussaaq atuarfimmi attaveqaataa susoqarneranik paasitikkukku. Taamaasilluni taanna suliniuteqarsinnaassaaq. Nasuiaannissaq ajornakusoorpat kalaallit Illuuttat ikiusinnaapput

Meeraq ilumut atugarliorpat, sukkanerpaamik attaveqarfigissavatsigut. Taamaasilluta susoqarnera misissussavarput aaqqiiniaallutalu.

Atuarfimmi attaveqaataasoq

Meeraq efterskolemi nammineq ilinniartitsisumik attaveqaateqalertarpoq. Uani pingaarpoq attaveqaataata tatiginera meeqqamut takutitsinissaa. Taassumami atuartunik nutaanik sullissinissaq ilikkaasimalluinnarmagu.

Efterskolerlutik aallarterlaat nikuppassuit atorlugit efterskolemi inuuneq ilikkaanniarsarisarpaat.

Eqqaamasassavarsi piffissap akunnernik 4-nik nikinganera. Tassa nunatsinni nalunaaqutaq unnukkut arfineq-pingasunngorpat Danmarkimi unnuap qeqqartarmat.

 

Juullimi atuanngiffeqarneq

Juullikkunni angajoqqaat nammineq nunatsinnukarneq akilertarpaat. Amerlanerit angajoqqaarsiaminni juulisiotarput.

Meeqqap aningaasaqarnera

Ilissi, angajoqqaat, meeqqap efterskolernermini aningaasaqarnera akisussaaffigaarsi:

  • Kaasarfimmiussai
  • Danmarkip iluani angalanerit (angajoqqaarsianut il.il.)
  • Atuarfimmi atatillugu angalanerit (studierejser)
  • Atuarfimmut atatillugu akiligassaasinnaasut allat
  • Allat ilimaginngisamik akitsuutaasinnaasut

Eqqaamassavarsi, efterskolertussap ukiorsiutini (atisat kamippaallu) nassassammagit. Ilanngullugu efterskolip piumasaqaatigisinnaavaa cykeliqarnissaa, angallattakkamik qarasaasiaqarnissaa, oqarasuaateqarnissaa, sinngup puujuteqarnissaa, qipiuteqarnissaa il.il. Tamakku ilai akissaqartinngikkussigit Majoriamut, ilissinnut qaninnermut, tapertinnissamut qinnuteqarsinnaavusi. Efterskolet ilaat cykelinik atotneqarsinnaasunik peqartarput.

Sillimmaserneq

Eqqaamassavarsi, meerarsi 18-iniliineqartinnagu, suli ilissi sillimatissinnut ilaassammat.