Menu

Inissiamut qinnuteqarneq 

Inissiamut qinnuteqarneq nammineq akisussaaffigaat. Piaartumik inissarsiorneq pingaaruteqarpoq, Danmarkimut tikinninni inissaqanngitsoorniannginnerussagavit. Ingammik pingaaruteqarpoq ilaquttatit ilagalugit (aappat meeqqalluunniit) nuunniaruit, taakkua bilitsissaat pequtilluunniit akilernissaat aatsaat inissiamik nassaareersimasuuguit akiliunneqarsinnaammata.

Ilinniarfimmut qinnuteqareeruit piaartumik illoqarfinni qinnuteqarfigisimasannut inissarsiussaatit. Eqqaamassavat inissiannut atorfissaqartinngisannut qinnuteqaatit taamaatiinnassagakkit.

Eqqaamassavattaaq aallaqqaatissatut akiliutit qaammatillu ataatsip inissiami najugaqarnerup akia akilissagakkit. Økonomii pillugu paasisaqarnerusinnaavutit ugguuna.

Qanoq?

Inuusuttut inissiaataannik ugguuna qinnuteqarsinnaavutit:

  • Ungdomsboliger.dk (ungdomsboliger) aammalu studiebolig-odense.dk
  • Danmarkbolig.dk imaluunniit boligøen.dk (inissiat tamanoortut)
  • Privatimik attartortitsisut. Privatimik attartortitsisartunut inissiamik qinnuteqaruit eqqaamajuassuat peqqusersusaartissannginnavit. Peqqusersusaarineq pillugu ugguuna paasisaqarnerugit
  • Inuussutissarsiornermik ilinniarfiisa skolehjemii inuussutissarsiornermik ilinniarfimmi ilinniassamaaruit, Kalaallit Nunaannillu qinnuteqassamaaruit.

"Tag over hovedet-garanti" Odense-mi

Studiebolig-odense.dk aqqutigalugu inissiamik qinnuteqarniaruit "Tag over hovedet-garanti" atorlugu qinnuteqarsinnaavutit piumasaqaatai eqqorukkit. Piumasaqaatit eqqorukkit utaqqisaannaagallartumik inissiartaarsinnaavutit kommuneqarfik aqqutigalugu. Piumasaqaatit pillugit paasisaqarnerugit ugguuna.

Aningaasaliissutinik taarsigassarsioneq inissiamullu tapiissut

Aningaasaliissutinik taarsigassarsiorsinnaavutit kommuneqarfimmi. Malittarisassat qinnuteqaallu pillugit ugguuna paasisaqarnerugit.

Malugiuk: Aningaasaliissutinik taarsigassarsiorsinnaanngilatit inissiamik attartuinermik isumaqatigiissummik atsioreersimaguit.

Inissiamut tapiissummik qinnuteqarsinnaavutit. Malittarisassat qinnuteqaallu pillugit ugguuna paasisaqarnerugit.

Malugiuk:

  • Inissiaq pequtinik aaqqissuunneqareerpa? Inuusuttunut inissiat akulikitsumik pequtinik aaqqissuunneqartanngillat.
  • Aningaasaliissutit akiliutillu nalii suuppat?
  • Erngup kiassarnerlu nalii aningaasaliissummi ilaappat?
  • Inissiaq tapersersorneqarsinnaava? Nammineq igaffeqaraanni nalingiinnaasumik tapersersorneqarsinnaasarpoq.
  • m2-t fællesarealenut (inissiami najugalinnut init tamanoortut) ilaasarmata

Nordatlantisk Husimi inuusuttunut inissiat

Kalaallit Illuutaat Odense-mi Nordatlantisk Husimi inissianik attartortitsisarpoq. Inissiat tamarmik Nordatlantisk Husimut atapput. Utaqqisut listiannut ilanngunneqaruit malugissuat inissiamik attartornermik neqeroorut ataasiaannarlutit naaggaarsinnaagakku utaqqisut listianniiginnarniaruit.

Inuusuttunut inissiat perusuersartarfeqarlutik uffarfeqarlutillu igaffeeraqarput. Attartuisut igaffissuarmik errorsisarfimmillu aamma atuisinnaapput. Inuusuttunut inissiat tamarmik kiilerimi toqqorsiveqarput.

Katillugit inuusuttunut inissiat 25-iupput. Inissiat tamarmik Kristiansdals Boligforeningimit pigineqarlutillu isumagineqartarput. 

Inissiat Odense-p umiarsualiviata qeqqani inissisimapput:

Nordatlantiske Ungdomsboliger ugguuna paasisaqarfiginerukkit qinnuteqaalluunniit ugguuna pissarsiariuk.

 

Paasisaqarnerorusukkuit

  • Mette Lund

    Siunnersorti

    +45 25 60 76 46

  • Ida Ylander

    Siunnersorti

    +45 22 42 08 13