Menu

Ug.dk iserfigalugu Danmarkimi ilinniarfiit suunersut takuneqarsinnaapput. 

Sumik ilinniassanerlutit nalornisuuguit e-vejledningimik (internet-ikkut siunnersortinnermik) pissarsisinnaavutit studievalg.dk ug.dk-luunniit iserfigalugit. 

Namminersorlutik Oqartussanit tapiissummik pissarsisinnaavutit:

  • qinnuteqarnerup nalaani Kalaallit Nunaanni najugaqaruit, qinnuteqarnerulluunniit siorna minnerpaamik ukiut tallimat Kalaallit Nunaanni najugaqarsimaguit
  • minnerpaamik ukiut qulit Kalaallit Nunaanni najugaqarsimaguit, annertunerpaamilluunniit ukiut pingasut Kalaallit Nunaata avataani najugaqarsimaguit 18-ileereernerup kingorna

Kalaallit Nunaata avataaniinneq ilinniarnermik inunnilluunniit isumaginninnermik oqartussaasunit tapersersorneqartuuppata Kalaallit Nunaata avataaniinnertut isigineqartanngilaq. 

 

Danmarkimi ilinniarfinnut qinnuteqaraagavit qinnuteqaatit sisamat isumagisassuatit:

1. Kalaallit Nunaata avataani ilinniarnermi aningaasatigut tapiissummik qinnuteqaat sullissivik.gl aqqutigalugu

Makkua nassiutissuatit:

  • Adressit tamaasa inunngornermit maannamut ilanngullugit: dk-kkut sullissivik-gl-ikkulluunniit pissarsiarisinnaavatit
  • Najugaqarnermut uppernarsaat ilaqutariiullusi tamassi nuunniarussi: gl-kkut pissarsiarisinnaavat
  • Soraarummeersimanermut uppernarsaat (meeqqat atuarfiannit, ilinniarnertuunngorniarfimmit efterskolemilluunniit)
  • Qinnuteqaatip kopiia, nalinginnaasumik optagelse.dk-mit pissarsiassaq

Qinnuteqaat Kalaallit Illuutaannut ilinniarfik pilerinerpaasavit illoqarfianiittumut nassiutissuat. Qinnuteqaat kingusinnerpaamik ukioq aallartiffiusumi martsip aallaqqaataani nassiutissuat. 

 

2. Ilinniarfimmut qinnuteqaat optagelse.dk aqqutigalugu nassiussinnaavat. Qallunaatut innuttaassuseqarneq krydsilissuat Kalaallit Nunaanni Danmarkimiluunniit inuusimaguit.

Ilinniarfiup tigusaanermut piumasaqaatai ug.dk-mi takusinnaavatit. Nalorniguit Kalaallit Illuutaat attavigisinnaavat. 

 

Qaffasinnerusumik ilinniarneq:

  • Kvote 1 tassaavoq karaktergennemsnit kisimi atorlugu ilinniarfimmut qinnuteqaat. Kvote 1-ikkut kingusinnerpaamik juulip tallimaanni qinnuteqarsinnaavutit. 
  • Kvote 2 tassaavoq karaktergennemsnitip avataatigut piginnaanilimmik qinnuteqaat. Kvote 2-kkut kingusinnerpaamik martsip 15-ianni qinnuteqarsinnaavutit.
  • Særordning atorlugu qinnuteqaruit, qinnuteqaammi tamanna krydsilissuat. Særordning taamaallaat ataasiarlutit atorsinnaavat. Særordning atorlugu qinnuteqarneq kingusinnerpaamik martsip 15-ianni pissaaq.

Eqqaamallugu soraarummeersimanermut uppernarsaatit qinnuteqaammi ilanngutissagakku. 

 

Inuusuttut ilinniarfii (Inuussutissarsiornermik ilinniarfiit ilinniarnermullu piareersarneq)

Qinnuteqarneq optagelse.dk aqqutigalugu ilinniarfiilluunniit qinnuteqaammut skemaataannik (ansøgningsskema) pisarpoq. 

Inuussutissarsiornermik ilinniarfiit qinnuteqarnermik ilinniarnermillu aallartitsinermik assigiinngitsunik killeqartarput. Tamanna ug.dk-mi ilinniarfiilluunniit nittartagaatigut takusinnaavat. 

 

3. Inimik inissiamilluunniit qinnuteqaat

Nammineq inimik inissiamilluunniit qinnuteqarnissat akisussaaffigivat. Piumasaqaatit Kalaallit Illuutaata nittartagaanni takusinnaavatit, Kalaallilluunniit Illuutaat oqarasuaatikkut attavigisinnaavatit: 

København: sumut.dk Tlf: (+45) 33 38 15 83

Odense: dgh-odense.dk Tlf: (+45) 66 13 70 85

Aalborg: dgh-aalborg.dk Tlf: (+45) 98 14 68 00

Aarhus: groenlandskehus.dk Tlf: (+45) 86 11 02 88

 

4. Aningaasatigut tapiissummik qinnuteqaat (Statens Uddannelsesstøtte - SU) www.su.dk aqqutigalugu pisarpoq

Siusinnerpaamik atualernerup aallartinnerata qaammatip ataatsip siorna SU-mik qinnuteqarsinnaavutit. Qaffasinnerusumik ilinniarniaruit SU-mik qinnuteqarnissat piumasaqaataavoq. Namminersorlutik Oqartussanit stipendia-mik aamma qinnuteqarsinnaavutit. 

SU-mik tapersersortinniaruit piumasaqaataapput:

  • NemID-mik ammaasineq: nu imaluunniit sullissivik.gl aqqutigalugit
  • Nemkonto-mik ammaasineq: kontut Nemkonto-nngortinneranik aningaaseriviit kalerrissuat

E-boks: e-boks.dk takuuk (SU-mik tapersersortinnermut akuersiissut e-boksimut nassiunneqartarpoq)

 

Den grønlandske særordning

GU-mit / HHX-mit / HTX-mit imaluunniit GUX-mit soraarummeersimanermut uppernarsaateqaruit den grønlandske særordning aqqutigalugu qaffasinnerusumik ilinniarfimmut tigusaanissannik qinnuteqarsinnaavutit. Minnerpaamik 6-imik karaktergennemsnit-eqaruit (karakterinik uuttuutitoqaq malillugu 8-imik) ilinniarfimmut annertunerusumik karaktergennemsnitimik pisariaqartitsisumut qinnuteqarsinnaavutit.

Ilinniarfinnili fagit piumasaqaataasut naliginnaasut suli piumasaqaataapput - ilinniarfiit faginut piumasaqaataat ug.dk-mi takuneqarsinnaapput. 

Den grønlandske særordning ilinniarfinnut adgangsprøve-qartunut (tigusaanermut misiliinermik pisariaqartitsisunut) atuutinngilaq. Optagelse.dk aqqutigalugu nammineq tigusaanissat isumagissuat, kingusinnerpaamik martsip 15-ianni ulloqeqqanut (Qallunaat Nunaata nalunaaqutaa malillugu) qinnuteqassallutit. 

Den grønlandske særordning atorlugu ataasiaannarlutit qinnuteqarsinnaavutit, tamannalu qinnuteqarnermut skemami punkt 8 krydsilersorlugu pissalluni. 

 

Frirejserneq (akeqanngitsumik angalaneq) pillugu malittarisassat

Namminersorlutik Oqartussat ilisimatitsissutaat nr. 9, juulip 19-iat 2017-meersoq malillugu frirejserneq pillugu sukaterinermik pisoqarsimavoq. Nammineq akisussaaffigiuarpat Namminersorlutik Oqartussat malittarissassaat qanoq innerat malinnaavigalugit. Malugiuk nittartagatsinni malittarisassat pingaarnerpaat kisimi allattortaratsigit.

Ilinniartuuguit Namminersorlutik Oqartussanit tapersersortittoq ima frirejsernermik periarfissaqarputit:

  • Kalaallit Nunaanni illoqarfimmit angerlarsimaffigisannit aallarneq 
  • Kalaallit Nunaanni illoqarfimmut angerlarsimaffigisannut aallarneq
  • Kalaallit Nunaanni illoqarfimmut angerlarsimaffigisannut afbudsrejserneq
  • Ilaquttanik napparsimasoqarnermi toqusoortoqarnermi, namminerluunniit napparsimaguit
  • Meeraq Kalaallit Nunaanni najugalik angajoqqaatut akisussaaffigigukku juullimi frirejsersinnaavutit
  • Misilitseqqinnermi (reeksamen) imaluunniit napparsimanerup nalaani misilitsinnermi (sygeeksamen)
  • Ernisimanermi sulinngiffeqarnermi
  • Ilinniarnermut atatillugu pingaarutilimmik angalaneq

Startrejsemik (siullerpaamik angalanermik) atuisimaguit, aatsaat ukiumoortumik ataasiarlutit feeriarnerup nalaani akeqanngitsumik angalasinnaavutit:

  • Aasakkut ilinniarnermik aallartitsisimaguit qaammatit qulingiluat kingorna, ukiukkulluunniit ilinniarnermik aallartitsisimaguit qaammatit tallimat kingorna akeqanngitsumik angalasinnaatitaavutit
  • Ilinniarnermik unitsitsiguit imaluunniit naammassiguit kingornalu Danmarkimi ilinniarnermik nutaamik aallartitsiguit kingullermik ilinniarnermik unitsitsinermit qaammatit 15-it qaangiutereersimaqqusaanngillat. 
  • Illoqarfimmut allamut Kalaallit Nunaanniittumut angalasinnaavutit bilitsit akiisa assigiinngissusaat nammineq akilerukku
  • Ilinniarfiit qaffasinnerusuni minnerpaamik klipinik arfineq marlunnik atorneqarsimanngitsunik ammasoqassaaq 
  • Qaammatit 15-it kingorna qaffasinnerusumik ilinnialersimaguit atuannginnermi ataasiarlutit feriefrirejsereersimasariaqarputit, siunissami feriefrirejseqqinniaruit.

Paasisaqarnerorusukkuit

  • Mette Lund

    Siunnersorti

    +45 25 60 76 46

  • Ida Ylander

    Siunnersorti

    +45 22 42 08 13