Projekt Tumit
Projekt Tumit tassaavoq kalaallinut noorlaanut neqeroorut. Peqataasinnaavutit:
- 18-it 65-illu nalaanni ukioqaruit.
- Ukiut kingulliit pingasut iluini Danmarkimut nuussimaguit.
- Region Syddanmarkimi najugaqaruit, Region Syddanmarkimulluunniit nuukkusukkuit.
- Pisortatigut ikiorserneqarneq (kontanthjælp).
Neqeroorut kommuneqarfimmit tapertaavoq siunertaralugulu innuttaasut nammineersinnaanissaat, imminnullu ikiorsinnaanissaat.
Tumini peqataanermi makku sammineqartarput:
- Suliffittaarnissamut imaluunniit ilinniaqalernissamik suleqatigiinneq.
- Danmarkimi najugaqartunut ilisimasassanik pisussaaffinnillu ilisimasaqalerneq.
- Qallunaat kultooriannik Qallunaallu Nunaata aaqqissuussaanerannik ilisimasaqalerneq.
- Siunnersuineq aqqutissiunerlu Region Syddanmarkimut, assersuutigalugu Odensep Kommunianut, nuussimasumut. (Silittumik allaqqasoq toorukku nunap assinga takusinnaavat).
- Tapersersorneqarneq, assersuutigalugu tapertatut ataatsimiinnermi oqartussaqarfimmi, allakkanik qarasaasiakkut takkussimasunik atuaqatigiinneq kiisalu qinnuteqaatit oqartussanut ingerlatassat (ineqarnermut, aningaasaateqarnermut).
Ataatsimoorneq ataasiakkaarlunilu sullinneqarneq
Peqataanermi inuit kalaaleqatit arfineq pingasuukkajupput. Peqataasut sammisarpaat kultoorit assigiinngissusaannik paasinninneq, suliakkiissutissanik suliaqarneq, oqaloqatiginninnerit. Ilaatigut neqeroorutigineqartarput siunnersuineq aqqutissiuinerlu:
- Aningaasaqarneq
- Najugaqarneq
- Nem-id, e-boks, aningaasaateqarfimmi konto, sundhedskort, akilerartarnermut ilanngaat
- Qallunaatut ilinniarneq suliffimmilluunniit misiliineq
- Suliffissarsiorneq
- Ilinniarnissamut kissaatit imaluunniit ilinniarnissamut pilersaarutit
- Nappaammik katsorsartinneq, imaluunniit atuivallaarluni katsorsartinneq
- Inatsisitigut siunnersortinneq / tapersersorneq
Saqqummiiffigineqartarneq peqataasut ataasiakkaat aallaavigalugit pilersaarusiorneqartarpoq. Makkua sammisarpagut: Oqaloqatigiinnerit, suleqatigiinnerit, kultoorikkut inuttullu ataasiakkaatut akisussaaffivut, minnerunngitsumillu Qallunaat Nunaanni suliffeqarfinni piumasaqaataasut eqqartorlugit.
Sullissisut Tumini kalaallisut qallunaatullu oqalussinnaapput. Odensep Kommuniani sulisoq ataaseq qanimut suleqatigisarparput.
Peqataaniarnissamik nalunaarneq
Tumit pillugu paasisaqarnerorusukkuit Odense Kommunemi sagsbehandleri Hanne Varberg oqarasuaatikkut 20 51 28 13 attavigissuat.
Kalaallit Illuutaata projektkoordinatoria Rive Inger Jensen rij@dgh-odense.dk /
tlf. 22 46 01 55 aamma attavigisinnaavat.
Allamik paasisaqarusukkuit Socialstyrelsip Projekt Tumit pillugu saqqummiussaa ukioq 2020-meersoq aamma takusinnaavat.