Odense-mi oqaloqatiginnittarfik

Odense-mi Fyn-imiluunniit najugaqaruit siunnersortinnermillu pisariaqartitsiguit inunnik isumaginnittutta Odense-miittut ikiorsinnaavaatsit. Siunnersortivut tamarmik nipangiussisisimanissamut atsiornikuupput tamannalu ataqqiuassavaat.

Siunnersortit makkua suliarisarpaat:

• Sagsbehandlerernut nakorsiarnermiluunniit ilagisinnaavaatsit
• Ajornartorsiutinnik unittooqqaguit imaluunniit nalornissuteqaruit arlaannut saaffiginninnissamut.
• Ikiorlutit tapersersorlutillu aanngajaarniutitigut atuisarnermut tunngatillugu
• Napparsimaveqarfimmut attaveqarnissannut ikiorlutit
• Kalaallit Nunaannut angalanissanut tunngasunik siunnersuineq
• Oqalutsissarsiorsinnaavaatsit.

Aanngajaarniutinik imigassanilluunniit atornerluineq

Imigassamik aanngajaarniutinilluunniit atornerluisuuguit, Kalaallit Illuutaata sulisui ikiorsinnaavaatsit. 

Inunnik isumaginninnikkut sulisut oqaloqateqarnissat neqeroorutigaat.

Tarnikkut sakkortuumik atugaqarsimalluni ikiorsiineq

Tarnikkut sakkortuumik atugaqarsimallutit ikiorserneqarnissamik pisariaqartitsiguit, assersuutigalugu inuuninni misigisimasatit pillugit oqaloqateqarneq, Kalaallit Illuutaata ikiorsinnaavaatit.

Imatut pisoqarnerani nakorsavit ikiorsinnaavaatit tarnillu nakorsaanut ingerlateqqillutit: 

• Tillinniarfigitissimaguit, annersartissimaguit imaluunniit pinngittaalisaasimaguit.
• Ajutoorsimaguit.
• Inummut tarniluuteqartumut qanitaasuuguit.
• Nappaateqalersimaguit inuunerup sinneranut atuuttumik.
• Qanigisanni toqusoqarsimappat.
• Imminut toqoriarsimaguit imaluunniit imminut toqunnissamik eqqarsaateqaruit.
• Naartuersissimaguit.

Kommunerisanni aningaasatigut taperneqarnissamut qinnuteqarsinnaavutit

Qallunaatut oqqarlukkuit tarnillu nakorsaanik oqaloqateqarnissamik pisariaqartitsiguit ikiorsinnaavatsigit. 

Nakorsiornermi psykologimik oqaloqateqarnissannik innersuunneqarsimaguit, oqalutseqarneq nammineq akilissuat. Nammineq akiliisinnaanngikkuit kommunerisannut tapiissummik qinnuteqassaatit. 

Paasisaqarnerorusukkuit Kalaallit Illuutaata inunnik isumaginnitui attavigisinnaavatit. Attaveqaatit quppernerup massuma ataatigut takusinnaavatit. 

Inatsisitigut akeqanngitsumik ikiorserneqarneq

Danmarkimi illoqarfinni anginerni inatsitigut akeqanngitsumik ikiorserneqarnissamut periarfissaqarputit.

Inatsisinut tunngasunik apeqqutissaqaruit siunnersorneqarsinnaavutit. Ikiorsiissut innuttaasunut tamanut atuuppoq, najugarisap sumiinnera apeqqutaatinnagu, naak najugaqatigiit isertitai apeqqutaasarlutik.

Kalaallit Illuutaat Odense-miittoq immikkut isumaqatigiissutigalugu eqqartuussissuserisoq Vilhelm Dickmeiss kalaallinut Qallunaat Nunaanni najugalinnut, inatsisillu tungaatigut aporfilinnut immikkut neqeroorpoq ikiuussinnaalluni.  

Vilhelm Dickmeiss ukiut arlalinni Kalaallit Nunaanni najugaqarnikuuvoq, Nuummilu eqqartuussissuserisutut sulisarnikuulluni.

Itinerusumik paasisaqarusukkuit ugguuna taamaasiorsinnaavutit.

Den Grønlandske Retshjælp Københavnimiittoq aamma attavigisinnaavat: Marlunngornerit tamaasa nal. 15.00 -17.00, oqarasuaatikkut: (+45) 33 38 15 99.

Ammasarfiit 

Allaffimmi saaffiginninneq
Ataasinngorneq - pingasunngorneq: Nal. 11.00 - 15.30
Sisamanngorneq: Nal. 11.00 - 17.00
Tallimanngorneq: Nal. 11.00 - 13.30

Café Allu
Sisamanngorneq: Nal. 13.00 - 18.00 (nalliuttuni matoqqasarpoq)

Oqarasuaatip ammasarfii (+45 66 13 70 85, 2 tooruk)
Ataasinngorneq - pingasunngorneq: Nal. 11.00 - 16.00
Sisamanngorneq: Nal. 11.00 - 18.00
Tallimanngorneq: Nal. 11.00 - 14.00