Kalaallit Illuutaanni kajumissutsinnik suleqataalerit
Kalaallit Illuutaat kajumissutsiminnik suleqataarusuttunik ujarlertuaannarpoq. Kalaallit Illutaat Odense illoqarfinnut ukununnga attuumassuteqarpoq, ukunanilu kaffisorniartarfeqarluni:
Odense, Svendborg, Kolding, Vejle kiisalu Esbjerg. Kaffisorniartarfiit Kalaallit Illuutaannut attuumassutillit pillugit ugguuna paasisaqarnerusinnaavutit.
Kajumissutsimik sulineq siammasissuuvoq, kajumissutsimillu suleqatigisartakkavut suliarisartagaat assigiinngissinnaasarlutik. Kalaallit Illuutaanni ulluinnarni suliarisartakkatsinnut tapertaasarput.
Kajumissutsiminnik sulerusuttunik atorfissaqartitsivugut, Kalaallillu Illuutaata anguniagai kissaataalu ataatsimoorussillutik suleqatigiinnikkut anguniangaraagut.
Kajumissutsimik suliassat assigiinngitsorpassuusinnaasarput, assersuutigalugit:
- Kaffisorniartarfitsinni naqittaaqataaneq
- Kaffisorniartarfiit ammaneranni ikiueqataaneq
- Ilinniagasserinermi ikiorti
- Tapersersorti
- Besøgsven (kalaallini Danmarkimi najugaqartuni pulaartartuuneq)
- Tusarnaartitsinermi, juullilernerani tuniniaanermi, aaqqissuussinernilu ikiueqataaneq
- Kajumissutsiminnik sulisut sammisassarsioqataasarput
Kajumissutsiminnik sulisut ukiumut minnerpaamik marloriarlutik sisamariarlutilluunniit naapeqatigiittarput sammisanillu assigiinngitsunik sammisaqartinneqarlutik. Kajumissutsiminnik sulisut ukuninnga pissarsiaqartarput:
- Juullilernerani tunisittarput
- Julefrokosteqatigiittarput
Quppersagaq uani aaneqarsinnaavoq.
Kajumissutsimik suleqatitta ikiorsinnaavaatsit
Sulisut ima ikiorsinnaavaatsit:
- Danmarkimut nooqqammerpit tapersersortinnermillu pisariaqartitsivit?
- Ilinniartuuit, ilinniarnermullu ikiortinnermik pisariaqartitsivit?
- Kajumissutsimik suleqativut kaffisorniartarfitsinni oqaluukkusuppigit?
Paasisaqarnerorusukkuit Lis Mona Stensgaard Jensen attavigisinnaavat.