Menu

Angerlarnissamut qinnuteqaammut ilitsersuut

Akuusut tamarmik pilersaarutit nalunnginniassammatigit, angalanissaa angajoqqaajusut atuarfik angajoqqaarsiallu qanimut suleqatigalugit pilersaarutigineqassaaq. Billetsimmi allanngortinneqarsinnaanngitsut pisiarineqartarmata.

Malugeqquvarput immersugassaq pingasunik immikkoortortoqarmat: Atuartumut (ilissinnut) immikkoortoq, uagutsinnut immikkoortoq aammalu Kalaallit Angalatitsivianut immikkoortoq. Ilissi immikkoortortarsi ersarissumik naqinnernik angisuunik immersussavarsi.

  1. Atuartup atia aamma CPR.nr.
  2. Efterskolea, Illoqarfiup normua, Illoqarfik
  3. Uani oqarasuaat angalanermi atugassaq allanneqassaaq. Tassunga angalanermi pilersaarutit allannguuteqarpata nalunaaruteqartartussaammata.
  4. Emaili: Billetsip nassiunneqarfissaa.
  5. Atuarnerup ullua kingulleq
  6. DK-miit ulloq aallarfissaq: Sapinngisamik ulloq angarlafissaa atuarfimmi naggataarnissaasa kinguninnguaniissaaq. Taamaasillutik naggataarnersiornermut ilaasinnaaniassammata, tassanimi imminnut inuulluaqqusarmata. Ulloq taanna aallarsinnaassanngippat siusinnerusukkut imal. kingusinnerusukkut aallartinnissaa kingusinnerusukkut krydsilerneqassaaq. Naggataarnersiornerup kingorna sukkanerpaamik aallartikkusukkussiuk una ullulinngiinnassavarsi.
  7. Danmark iluani timmisartoqarfimmiit allarfissaq kissaatigisaq: Nalugussiuk suminngaanniit timmisartussanersoq, allannginnarsinnaavarsi – taava angaltitsiviup sumiinngaanneernissaa aalajangissavaa. Angerlalernermut atatillugu qimuttuitsumut aningaasartuuteqarsimagaanni akiliinermut uppernarsaat Sisimiuni Oqaatsinik Pikkorissarfimmut (http://oqaatsit.gl/kl-gl/efterskole.aspx) nassiullugu aningaasat utertinneeqarsinnaassapput.
  8. Kalaallit Nunaanni illoqarfigisaq
  9. Sumiiffissaq, Postnr, Illoqarfik: Atuartup allannginnermini sumiiffissaa IMMERSORNEQASSAAQ! Atuartup ilaquttani ilagissagunigit taanna allaannarneqarsinnaavoq.
  10. /mobilnr.: Aallannginnermi sumiiffiup oqarasuaataa.
  11. Angalanissamut pilersaarutit ulloq aallarfissami inissaqanngippat, sorleq kissaatigaajuk: Siusinnerusukkut aallartikkusukkukku Siusinnerusukkut krydsilissavat. Kingusinnerusukkut aallartikkusukkukku Kingusinnerusukkut krydsilissavat.
  12. ..ingerlaqateqassaguit..: Uani atuartoq allamik ingerlaqateqassappat inniminniinermi normu (Reservations nr.) allanneqassaaq. Qinnuigissavassi ilissi billetsersi ilanngutilaaqqullugu.
  13. Sumiiffik / Ulloq
  14. Angajoqqaat atsiornerat

Immersugarsi tigoreerutsigu angalatitsivimmut nassiukkumaarparput. Taava sapaatip akunnera qaangiutsinnagu taakku emailimut immersukkami allassimasassinnut nassiukkumaarpaat. Billetsit pappialanngorlugit nassiunneqarneq ajorput.

Pingaarpoq atuartup aallariartuleruni kinaassutsimik uppernarsaatini assitalik aammalu angalanissamut pilersaarut/rejsebevis nassassammagit.

Qinnuteqaat uani aaguk.

Paasisaqarnerorusukkuit

  • Mette Lund

    Ilinniarnermut aqqutissiuisoq

    +45 25 60 76 46

  • Kistaraq Egede

    Ilinniarnermut aqqutissiuisoq

    +45 22 42 08 13